રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
ઝીણાં ઝીણાં
jhina jhina
અનિલ જોશી
અનિલ જોશી
ઝીણાં ઝીણાં રે આંકેથી અમને ચાળિયા
કાયા લોટ થઈને ઊડી
માયા તોય હજી ના છૂટી
ડંખે સૂની મેડી ને સૂનાં જાળિયાં!
સૂની ડેલીને જોઈ પૂછશો ન કોઈ કે અવસરિયાં કેમ નથી આવતા
પાંદડું તૂટે તો લોહી નીકળશે ડાળને એટલે તોરણ નથી બાંધતા
છાપરે ચડીને મારું જીવતર બોલે તો ઈને કાગડો જાણીને મા ઉડાડજો
કાયાની પૂણીમાંથી નીકળે જે તાર ઈને ખાંપણ લગીરે કોઈ પૂગાડજો
ઝીણા ઝીણા.....
એક રે સળીને ચકલી માળો માને તો ઈને રોકી શકાય નહીં
ઈરે માળામાં કોઈ ઈંડું મૂકે તો ઈને ફોડી શકાય નહીં
ઝીણા ઝીણા....
સ્રોત
- પુસ્તક : બરફનાં પંખી (પૃષ્ઠ ક્રમાંક 25)
- સર્જક : અનિલ જોશી
- પ્રકાશક : એન. એમ. ત્રિપાઠી પ્રા. લિ.
- વર્ષ : 1981