છેલકડી

છેલકડી

નાનકડી શેરીને છેલકડી પહેરાવો એવી આ ડેલી એક લાગશે

અણિયાળી મોજડીમાં ચમક્યો સૂરજ :

એમાં પાલવ સફાળો મારો જાગશે.

લ્હેરિયાતા સાફાનું છોગું છકેલ

મારી ભીની ભીની પાંપણમાં મરકે,

પોતીકાં થડકારા ભૂલીને દલડું તો

રોઝડીના ડાબલા શું ફરકે :

ગરકેલો મોર મારો પીંછાંના માંડવડે

એકાદો ટહુકો તો માગશે!

આંખોમાં આમતેમ પારેવાં ઊડે

ને કમખામાં દીવડાની જ્યોત,

હુક્કાની જેમ મને પી જજો વા’લમા

કે હું જ કરું મારી ગોતાગોત :

તારા આવતાંની સાથે અહીં કોણે જાણ્યું કે

મારું આયખું પરાયું થઈ ભાગશે!

Chhelakdi