મેં પૂછ્યું; વનવાડી! તુજમાં ફૂલ કેટલાં?

વાડી બોલી; જગમાં હસતાં લોક જેટલાં!

શું આ સત છે ભાઈ?

બોલ કતિલ શિફાઈ!

મેં પૂછ્યું; ધરતી તુજ પર છે વૃક્ષ કેટલાં?

ધરતી બોલી; હાર્યા... થાક્યા પથિક જેટલા!

શું આ સત છે ભાઈ?

બોલ કતિલ શિફાઈ!

મેં પૂછ્યું; સરિતા! પનઘટ તુજ તણા કેટલા?

સરિતા બોલી; રિક્ત રહી 'ગ્યા ઘડા જેટલા!

શું આ સત છે ભાઈ?

બોલ કતિલ શિફાઈ!

મેં પૂછ્યું; પાયલ! તુજમાં છે ગીત કેટલાં?

પાયલ બોલી; મુજ પર લજ્જાપાશ જેટલા!

શું આ સત છે ભાઈ?

બોલ કતિલ શિફાઈ!

મેં પૂછ્યું; વર્ષા! ફોરાં તુજ પાસ કેટલાં?

વર્ષા બોલી; ભીતર તારે પાપ જેટલાં!

શું આ સત છે ભાઈ?

બોલ કતિલ શિફાઈ!

મેં પૂછ્યું; નૌકા! તુજ તારણહાર કેટલાં?

નૌકા બોલી; મુજને ડૂબવનાર જેટલા!

શું આ સત છે ભાઈ?

બોલ કતિલ શિફાઈ!

મેં પૂછ્યું; ગોરી! આભૂષણ તને કેટલાં?

ગોરી બોલી; શાહુકારથી બચ્યાં જેટલાં!

શું આ સત છે ભાઈ?

બોલ કતિલ શિફાઈ!

(અનુ. 'અગમ' પાલનપુરી)