મારા વનમાં

મારા વનમાં

મારા વનમાં વસંત આવી મોડી મોડી!

પેલી કોકિલાય રાહ જોઈ થાકી

રિસાઈ એણે સૂરનો સંગાથ દીધો છોડી!

હવે ઊડે ગુલાલ છતાં હોરી નહીં :

મારી મંજરીઓ મંન ભરી મ્હોરી નહીં :

કંઠે ભમરાના રસની કટોરી નહીં :

ઊછળે ન અંગ અંગ માદક ઉમંગ

હજી રઝળે ઉદાસ હવા થોડી થોડી!

આજ દલ દલમાં ફોરમનું આસન ક્યાં છે?

લાલ કેસૂડો કોળ્યો પણ કામણ ક્યાં છે?

લીલો ખીલ્યો છે બાગ : અહીં ફાગણ ક્યાં છે?

સૂનું આ સ્મિત આજ પોઢ્યું છે ઓઢીને

આંસુની ઝીણી પિછોડી!

mara van ma