રેખ્તા
હિન્દવી
સૂફીનામા
રાજસ્થાની
આ તે કેવી ઘડી!
aa te kevii ghadii
સતીશચન્દ્ર વ્યાસ 'શબ્દ'
સતીશચન્દ્ર વ્યાસ 'શબ્દ'
આ તે કેવી ઘડી? આ તે કેવી ઘડી?
થડિયાને જોવામાં, ડાળખી નડી!
ઝાડવાને જોવા તો માંડી'તી જાતરા;
તે કીધું ઈ રસ્તે આવ્યા'તા પાધરા;
ભવની તોડાશ તોય માથે પડી;
થડિયાને જોવામાં ડાળખી નડી!
ફૂલ, પાન, ખુશ્બૂને ઝાડવું કીધું
તોય હજી મન નથી રહેતું સીધું!
બધી પાંદડી નડી, નડી ફૂલની છડી;
થડિયાને જોવામાં ડાળખી નડી!
સ્રોત
- પુસ્તક : ઈદંતા (પૃષ્ઠ ક્રમાંક 27)
- સર્જક : સતીશચંદ્ર વ્યાસ 'શબ્દ'
- પ્રકાશક : નવભારત સાહિત્ય મંદિર
- વર્ષ : 1996