મને ભૂલી તો જો!

મને ભૂલી તો જો!

મને ભૂલી તો જો!

તેં જ મને તારામાં પૂર્યો

એ વાતને કબૂલી તો જો!

લોક બધાં જોતાં કે પાંદડું હલે છે

તને એકને જ દેખાતો વાયરો,

તારામાં તુંય હજી આંજે અણસાર

અને મારામાં હુંય ભરું ડાયરો;

પોપચાંનું અંધારું ઓઢીને

પોયણામાં ખૂલી તો જો!

છેટે રહેવાથી નહીં ટાળી શકાય

મારી પડખેનો આવરો ને જાવરો,

થોડી તું ઘેલી કહેવાય અને

થોડેરો હુંય હજી કહેવાતો બ્હાવરો;

હોઠના હિસાબ હશે હૈયામાં,

કોક દિ' વસૂલી તો જો!

mane bhuli to jo!