રેખ્તા
હિન્દવી
સૂફીનામા
રાજસ્થાની
ક્યાં આવવું?
kyaan aavvun?
હરીન્દ્ર દવે
હરીન્દ્ર દવે
આવજો કહીને તમે ચાલ્યા, હું પૂછવું ભૂલી ગઈ કે મારે ક્યાં આવવું?
અધખૂલ્યા સ્મિતમાં બે વેણ મીઠાં મેળવીને વસમી વિદાય તમે ઘૂંટી,
બંધ આ હથેળીમાં ગોપવી’તી વેળા એ કોણ જાણે ક્યારે વછૂટી,
તરફડતી માછલીને જિવાડે, એવું હવે સંજીવન વ્હેણ ક્યાંથી લાવવું?
પગલાંનો ડૂબતો અવાજ અને ઓચિંતો આખી આલમમાં સૂનકાર,
વીંટાતી લહરીની ભીંસ વધે શ્વાસમાં ને તોળાતા આભ કેરો ભાર!
વેણનું જે મોતી તમે દીધું, એ મૃગજળથી ઊભરાતી ધરતીમાં વાવવું!
સ્રોત
- પુસ્તક : હયાતી (પૃષ્ઠ ક્રમાંક 68)
- સંપાદક : સુરેશ દલાલ
- પ્રકાશક : ચીમનલાલ લિટરરી ટ્રસ્ટ
- વર્ષ : 1984
- આવૃત્તિ : બીજી આવૃત્તિ