જ્યારે તમે

જ્યારે તમે

જ્યારે તમે

ગંગાના ગંધાતા પાણીમાં આંખ મીચી ઊભા રહી

તમારા બાપનું શ્રાદ્ધ કરતા હશો,

જ્યારે તમે

હરદ્વારની પસીને ગંધાતા પંડા પાસે

ગૃહશાંતિ કરાવતા હશો,

જ્યારે તમે

સત્યનારાયણની કથા માટે ઑફિસેથી રજા લઈ

ફોરસ રોડની નામચીન રંડી સાથે સૂતા હશો,

જ્યારે તમે

કૃષ્ણને રાધાના ચીરને નામે

ચાર આંગળનું ચીંથરું ચડાવી બનાવતા હશો,

ત્યારે

સ્વર્ગમાં જેના નામથી બધા દેવા ધ્રૂજતા હશે

એ ‘બાબર દેવા છાપ’ ભગવાન

દાઢી કર્યા પછી ફટકડી લગાવતાં લગાવતાં

એના પાપનું પ્રાયશ્ચિત્ત કરતો હશે.

jyare tame