કેસરની દાંડલીથી...

કેસરની દાંડલીથી...

કેસરની દાંડલીથી ઢોલ રે વગાડ,

મુંને બેઠાં આજુથી નવાં નોરતાં…

આંખના ઉલાળ નથી માપમાં જરાય,

નથી કાબૂમાં કેડ્યના વળાંક,

ઓઢણીના મોર આજ ઊડ્યા છે, ઊડવા દે!

વાયરાનો કોઈ નથી વાંક;

પાછલા નકૂચેથી ડેલી ઉઘાડ

મુંને અંધારું ખૂંદવાના ઓરતા…

ચોળીને પંડ્ય થાઉં પાતળી છતાંય

નથી ઊખડતો ધીંગો વળગાડ,

ભીનું સંકેલવાનું ભૂલી હું નીકળી છું

મધરાતે પાડવાને ધાડ;

ફાનસની વાટ ભલે કરતી રંજાડ

મુંને આવડે છે એને સંકોરતાં…

Kesar ni dandali thi