રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
કેડીનું ગીત
keDinun geet
મણિલાલ હ. પટેલ
મણિલાલ હ. પટેલ
સૈ હું તો વગડામાં વહી જતી કેડી....
રૂપ મારું વાયરાની લ્હેરખી : હોય જાણે વાંસળીએ કોક ધૂન છેડી
સૈ હું તો આઘા મલકની કેડી...
મારગ મેલીને હું તો ફંટાતી ચાલતી
સીમાડે સીમાડે મસ્તીમાં મ્હાલતી
ડુંગરની કેડ્યે વીંટળાઉ અને ઘાટીલી ટેકરીઓ લ્યે મને તેડી
સૈ હું તો હૈયાં બ્હેલાવતી કેડી...
કેટલાંય ગામોનાં પાદર બોલાવતાં
સુંવાળા રસ્તાઓ શમણામાં આવતા
જાય મારી બલ્લા! જ્યાં પથ્થરમાં કોરેલાં હોય બધાં માઢ અને મેડી
સૈ હું તો ભવભવની કેડી...
(તા. ૧૯-૭-ર૦૦૩ : ‘સહજ’ બંગલો)
સ્રોત
- પુસ્તક : વિચ્છેદ (ગ્રામચેતનાની કવિતાનો સંચય) (પૃષ્ઠ ક્રમાંક 49)
- સર્જક : મણિલાલ હ. પટેલ
- પ્રકાશક : પાર્શ્વ પબ્લિકેશન
- વર્ષ : 2006