કવિ ચકોરની લગની

કવિ ચકોરની લગની

કવણ રસિકતા જાણશે

હૃદય રસિકની?

લગની કવણ પિછાણશે

હૃદય રસિકની?

કહીં ઇન્દુ સુધાસિન્ધુ ગગનમંડલે,

કહીં રંક પંખિ જ્યોતિઝંખિ ભૂતલે!

એ દિવ્ય જ્યોતિના ધ્યાને

એ અમૃત રસના પાને,

એ અમીટ મિટના તાને,

અતિદુર્ઘટ ઘટયોગ કવણ ઉર આણશે

સુભગ ભોગીનો?

લય શુચિ કવણ પિછાણશે

નવલ યોગીનો?

ઢળેલ અતિઘોર ઘારણ વિષે

બન્યૂં નર્યું અચેત ચેતન દિસે,

તમોમય જ છે:

તહિં દીન રસવિલીન,

રજનિગુહામહિં લીન,

એ ચકોરકેરિ સમાધિ,

મિટ ઝીણિ રસભીનિ સાંધી,

ચકચકતા તારલિયા ચકિતનયન નાણશે

બન્ધુ ઇન્દુના:

સહૃદય સંગિ પ્રમાણશે

સુધાસિન્ધુના.

હૃદયરસિકની તે જ રસિકતા જાણશે

રસિક હૃદયના:

તન્મયતા તે માણશે

પ્રણયિ પ્રણયના.

kavi chakorni lagani