કાળભમ્મર સપનામાં વરસાદ થયો છોકરીઓનો...

કાળભમ્મર સપનામાં વરસાદ થયો છોકરીઓનો...

સનનન દઈને આખું સપનું થયું કાગડો ક્રાંઉં

છત્રીના હાથા જેવો હું ખુલ્લમખુલ્લા ન્હાઉં

ન્હાવું ઉર્ફે અર્થ મને અફળાવો અઢળક પરીઓનો...

કોઈ છોકરી ‘એક હતો રાજા’ની જેવું હસે

કોઈ વળી પંખીની ટોળી જેમ નર્યું તસતસે

અને કોઈ તો...ઉફ...સફરજન ઉપર હલ્લો છરીઓનો....

પછી થઈ હોનારત એમાં બચ્ચા ફક્ત આ શ્વાસ

એમાં જાજરમાન ઉઝરડા ઊંડા બબ્બે વાંસ

ટેવ નહીં ને પલળ્યા તેથી તાવ ચડ્યો ઘૂઘરીઓનો...

kaalbhammar sapnaamaan varsaad thayo chhokriono