રેખ્તા
હિન્દવી
સૂફીનામા
રાજસ્થાની
જન્મદિને
janmdine
રાજેન્દ્ર શાહ
રાજેન્દ્ર શાહ
વનની અમરાઈને ભરી
પમરે શીય પ્રસન્ન મંજરી!
પ્રશમંત પ્રલંબ રાત્રિ ને
બજતી વેણુ વરેણ્ય ભર્ગની.
રમતી ભમતી સમીરની
લહરીને મૃદુ સ્પર્શ હર્ષની
અણુએ અણુ લાગણી લહુ;
અનુકંપા શી દિગન્તરાલની!
ઉરનું ઊઘડંત પંકજ
પ્રણમે છે દઈ ગંધની રજ,
વિલસંત હિરણ્ય વર્ણમાં
દલને આસન સંચરે અજ.
સહુને મુજ અંતરે ધરું,
સહુને અંતર હુંય વિસ્તરું.
સ્રોત
- પુસ્તક : કાવ્ય-કોડિયાં – રાજેન્દ્ર શાહનાં કાવ્યો (પૃષ્ઠ ક્રમાંક 27)
- પ્રકાશક : લોકમિલાપ ટ્રસ્ટ