રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
જાગ્યા મારાં સપનાં વીણપાર
jagya maran sapnan winpar
ધ્રુવ ભટ્ટ
ધ્રુવ ભટ્ટ
જાગ્યા મારાં સપનાં વીણપાર
સંતો રે ભાઈ જાગ્યા મારાં સપનાં વીણપાર
સપને સાંઠિકાં મેં તો ભાળિયાં હો જી
લઈ અમે ઊડિયાં અંકાશ
સંતો રે સાધો લઈ અમે ઊડિયાં અંકાશ
વિના કોઈ આધારે દળમાં વાવિયાં હો જી
વાવ્યાં એવા કોળ્યાં અપરમ્પાર
સંતો ભાઈ વાવ્યાં એવા કોળ્યાં અપરમ્પાર
નભને ખાલીપે ઝૂલ્યાં ઝાડવાં હો જી
ઝૂલે ને બોલાવે આવો આમ
સંતો ભાઈ ઝાડવાં બોલે કે આવો આમ
આવો ને લઈ જાજો મારા છાંયડા હો જી
એવા છાંયે પોઢાડી લઈ જાત
સંતો ભાઈ એવા છાંયે પોઢાડી લઈ જાત
અમે સપને ઊંઘ્યા’ને સપને જાગિયાં હો જી
સ્રોત
- પુસ્તક : ધ્રુવગીત (પૃષ્ઠ ક્રમાંક 10)
- સર્જક : ધ્રુવ ભટ્ટ
- પ્રકાશક : ગૂર્જર ગ્રંથરત્ન કાર્યાલય
- વર્ષ : 2021