ઈશ્વરને મેં રડતા જોયા

ભારતનાં સૌ ભાગ્ય વિધાતા

ખોટા મદમાં ફરતા જોયા

સારાસારનું ભાન ભૂલીને

અંધારે અટવાતાં જોયા

ભર યૌવનમાં ખોઈ યુવાની

ઘડપણમાં પલટાતાં જોયા

ત્યારે આ પૃથ્વીના પટ પર

ઈશ્વરને મેં રડતા જોયા..

તેજ વિનાના નર ને નારી સુંદરતા પર મરતા

માનવરૂપે મડદાને મેં જોયાં હરતાં-ફરતાં

સિંહસૂનને બકરાં રૂપે બેં બેં કરતા જોયા

ત્યારે આ પૃથ્વીના પટ પર

ઈશ્વરને મેં રડતા જોયા...

આ દુનિયામાં રામકૃષ્ણનાં

ના કોઈ વારસદાર

પાંચાલીના પાલવનો

ના કોઈ તારણહાર

દુઃશાસનને, દુર્યોધનને

જ્યારે જ્યારે હસતાં જોયાં

ત્યારે આ પૃથ્વીના પટ પર

ઈશ્વરને મેં રડતા જોયા.

ishwarne me radta joyaa