રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
પૃથવીરાણી રે પરકાશ વીનવે,
સૂરજના રાજા વિનતિ સૂણો રે;
અમારું એવાતણ તેજ તવ ઝીલવે,
નહિ તારાં કિરણ વિણ કોઈ ખૂણો રે પૃથવીરાણી રે
આભ રે ઊંચેરો, હૃદયે ન જૂજવો,
અજરા અંબારે તવ રાજ;
પૃથવીવંતી રે હેમલ હેલને
ઉતારે કનકરાણા કાજ; પૃથવીરાણી રે
અમે રે સાંચર્યાં’તા પનઘટ કાળમાં
પાણીડાં અખંડ ભરવા, ભાણ!
ચીર રે ભરાણાં ચિરની કાંટમાં,
રોકાણોના આડા પથરા પહાણ પૃથવીરાણી રે
પૃથવીરાજલ પલવટ પાથરે :
બ્રહાંડનાં ભૂપ બાર ઉઘાડો રે;
પનઘટ આઘો ને અસૂરાં સાંચર્યાં,
મારગે પડી મનખ્યા-ધાડો રે પૃથવીરાણી રે
અમને સતીને અસતે આંતર્યાં,
વરસો પ્રચંડ દંડના કાંડ;
શૂરાને અવતારી અસુરોને આંતરો,
મનોહરી કરો માનવીની માંડ્ય પૃથવીરાણી રે
સ્રોત
- પુસ્તક : સોહમ્ (પૃષ્ઠ ક્રમાંક 82)
- સર્જક : દામોદર ભટ્ટ ‘સુધાંશુ’
- પ્રકાશક : પોતે
- વર્ષ : 1960