રેખ્તા
હિન્દવી
સૂફીનામા
રાજસ્થાની
કેવા છે આ હોઠ!
સ્મિત કરવાનું શીખવાડ્યું પણ રહ્યા ઠોઠના ઠોઠ!
રીતભાત કંઈ શીખે, બોલે વાત કરે, પણ ના!
રંગબિરંગી ઉદ્ગારોનો વેશ ધરે, પણ ના!
આંખથી ઊતરે રંગ વગરનાં આંસુઓની પોઠ!
કેવા છે આ હોઠ!
પાડોશીઓ સાથે ઊજવે ના કોઈ તહેવાર,
આંખ, કાન, જીભ પાસે છે પણ ક્યાં છે કંઈ વહેવાર?
જગની પરવા ના રાખે, બસ એકબીજાની ગોઠ!
કેવા છે આ હોઠ!
સામે આવી ઊભા ત્યારે હોઠ ભરે ના હામ,
નક્કામી વસ્તુને તો પણ મળી ગયું એક કામ!
પળભરમાં એ બન્યા ગુલાબી ચુંબનનો બાજોઠ!
કેવા છે આ હોઠ!
સ્રોત
- પુસ્તક : નવનીત સમર્પણ - ઑક્ટોબર 2014
- સંપાદક : દીપક દોશી
- પ્રકાશક : ભારતીય વિદ્યા ભવન