રેખ્તા
હિન્દવી
સૂફીનામા
રાજસ્થાની
હે
he
પિનાકિન ઠાકોર
પિનાકિન ઠાકોર
હે મમ હૃદય કમલદલવાસી!
તલસી રહું ઝંખન નિશદિન
ચિરતૃષિત અને ઉપવાસી.
- હે મમo
ભ્રમર બની નહિ મારે વસવું
રજની તવ ઉર ભીતર,
પ્રતિ પ્રભાતે પછી આથડવું
પુષ્પ પુષ્પ રે પથ પરઃ
રાગ નહિ, રટણા નહિ, ના ધ્રુવ,
કેવલ વ્યર્થ પ્રવાસી
– હે મમo
ઝંખું થવા તમ દલદલ નીતરત
ઝાકળજલ ને બિન્દુ,
ચંદ્રસુધા સૂરજનાં અમરત
અસીમ પ્રીતના સિન્ધુઃ
ઝીલી એક ઝલક ઝરી જાઉં
તૃપ્ત ભવોભવ પ્યાસી.
– હે મમo
સ્રોત
- પુસ્તક : ઉત્તરાયણ (પૃષ્ઠ ક્રમાંક 40)
- સંપાદક : દીપક મહેતા
- પ્રકાશક : નેશનલ બુક ટ્રસ્ટ, ઇન્ડિયા
- વર્ષ : 2008