રેખ્તા
હિન્દવી
સૂફીનામા
રાજસ્થાની
સાધો, ભરવૈશાખે તાપે
sadho, bharawaishakhe tape
હરીશ મીનાશ્રુ
હરીશ મીનાશ્રુ
સાધો, ભરવૈશાખે તાપે
સંત કેવડાની કરવતથી ગરદન નમણી કાપે
અબઘડી ઊભા હો તે સ્થળનું
પાડો નામ બનારસ
અડતાંવેંત પ્રજાળી મૂકે
એ પળ સમજો પારસ
હરિ છાપ્યા હૈયે તો મિથ્યા દુવારિકાની છાપે
આંખ ચૂઈ કે ઢળી ગઈ
અભિયંતર અમરતકુપ્પી
શબદ એક ભીતર ગાજે
તો બડી સબનસે ચુપ્પી
સમદરનાં નહીં, મરજીવા મોતીનાં પાણી માપે
સ્રોત
- પુસ્તક : પદપ્રાંજલિ (પૃષ્ઠ ક્રમાંક 42)
- સર્જક : હરીશ મીનાશ્રુ
- પ્રકાશક : ઈમેજ પબ્લિકેશન્સ પ્રા. લિ.
- વર્ષ : 2004