હરિ ખોલશે ડેલી

હરિ ખોલશે ડેલી

મારી હરિ ખોલશે ડેલી,

અનિમેષ નયનોથી ઊભા, સકળ ભાવ સંકેલી

હરિ ખોલશે ડેલી ને ઘર રોમ રોમ ભીંજાશે,

હરિ રૂપના આંખ વચાળે ઝલમલ દીવા થાશે,

સખા સરીખા, ભેટી પડવા, ભીતર તાલાવેલી –

હરિ હાથ પકડીને અમને ઘર વચ્ચે લઈ જાશે,

રાંધણિયામાં મારી સાથે મારા જેવું ખાશે,

આડા પડશે, ખેંચી લેશે, મારી ચાદર મેલી –

સમી સાંજના આંગણ વચ્ચે આટા-પાટા રમશે,

મને જિતાડી દેશે પોતે હાર બધીયે ખમશે,

સહેજ મલકશે, ને ઘર થાશે, આપોઆપ હવેલી

hari kholshe deli