રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
હરિ ખોલશે ડેલી
hari kholshe deli
વંચિત કુકમાવાલા
વંચિત કુકમાવાલા
મારી હરિ ખોલશે ડેલી,
અનિમેષ નયનોથી ઊભા, સકળ ભાવ સંકેલી
હરિ ખોલશે ડેલી ને ઘર રોમ રોમ ભીંજાશે,
હરિ રૂપના આંખ વચાળે ઝલમલ દીવા થાશે,
સખા સરીખા, ભેટી પડવા, ભીતર તાલાવેલી –
હરિ હાથ પકડીને અમને ઘર વચ્ચે લઈ જાશે,
રાંધણિયામાં મારી સાથે મારા જેવું ખાશે,
આડા પડશે, ખેંચી લેશે, મારી ચાદર મેલી –
સમી સાંજના આંગણ વચ્ચે આટા-પાટા રમશે,
મને જિતાડી દેશે પોતે હાર બધીયે ખમશે,
સહેજ મલકશે, ને ઘર થાશે, આપોઆપ હવેલી
સ્રોત
- પુસ્તક : કવિતા, એપ્રિલ, ૧૯૯૯ (પૃષ્ઠ ક્રમાંક 1)
- સંપાદક : સુરેશ દલાલ
- પ્રકાશક : જન્મભૂમિ પ્રકાશન