હાલ્યને સૈયર ગઢની ભીંતે થાપવા જઈએ છાણાં

હાલ્યને સૈયર ગઢની ભીંતે થાપવા જઈએ છાણાં

ભીંતને ટેકે ભીંતની માફક હુંય તે ઊભી રઈશ

વરસો જૂની થઈશ છતાં આમ એવી ને એવી હઈશ

કેટલાયે રોજ–રોજ ભલેને ખરતાં રહે પાણા

કો’ક તો વટેમારગુ તારા આંગળાઓની છાપને જોશે

કો’ક દી વટેમારગુ લીલી ભાત સુકાવી જોઈને મો’શે

પછી પરગામનો કેડો ભીંતની માફક જોઈને વાશે વા’ણાં.

halyne saiyar gahdhnii bhinte thaapvaa jaiye chhanaa