હળવી હવાને હિલેાળે

હળવી હવાને હિલેાળે

એક હળવી હવાને હિલોળે!

ઉરના અજંપો મારો ધીરેથી જઈ બેઠો ખીલેલી રાતરાણીખોળે!

પોતાનાં આજ જ્યારે રૂઠી ગયાં

ત્યાં કહો, કોને જઈને તે વાત કહીએ?

ઉરના કાંટા જ રહે વાગી

ત્યાં સૈયર 'રી, સેજને તે દોષ કેમ દઈએ?

પાંપણમાં ઘેન, ચેન હૈયે જરા ન, તો યે સૂતા ઉમંગ કેમ કોળે!

એક હળવી હવાને હિલોળે!

આંખો ઉઘાડું ત્યાં પાછી બિડાઈ જાય

જાણે ન હોય શું લજામણી!

એવી મૂંઝાઈ મરું, નહિ હું તો ઓળખું

મારા અંતરની કોઈ લાગણી;

અંધારે અંગ મારું જાણે ભીંજાઈ જતું ચૈતરની ચાંદનીની છોળે!

એક હળવી હવાને હિલોળે!

halwi hawane hileale