રેખ્તા
હિન્દવી
સૂફીનામા
રાજસ્થાની
હાલકડોલક શ્વાસ
halakDolak shwas
યોગેશ જોષી
યોગેશ જોષી
પાણીમાં તરતા મૂક્યા છે હાલકડોલક શ્વાસ સજનવા
શ્વાસની છલક વાગતાં તૂટી છાતી કેરી કોર સજનવા
ભરચોમાસે ખરી પડ્યા છે ટોડલે બેઠા મોર સજનવા
અડધી રાતે અજવાળાની કલકલનો આભાસ સજનવા
પાણીમાં તરતા મૂક્યા છે હાલકડોલક શ્વાસ સજનવા
તરસ્યા હોઠને કોરું લાગે ગંગા કેરું જળ સજનવા
પથ્થરના આ હોઠ તો માગે ભીની બસ એક પળ સજનવા
કીકી પાસે આવી રણકે ઝાંઝર-શો અજવાસ સજનવા
પાણીમાં તરતા મૂક્યા છે હાલકડોલક શ્વાસ સજનવા
કંકુવરણાં સ્વપ્નાં વચ્ચે સાવ કુંવારી આંખ સજનવા
આભનાં ખરતાં પોપડાં સામે જોતી લીલી પાંખ સજનવા
પાણીમાં તરતા મૂક્યા છે હાલકડોલક શ્વાસ સજનવા
સ્રોત
- પુસ્તક : કલરવતું અજવાળું (પૃષ્ઠ ક્રમાંક 61)
- સર્જક : યોગેશ જોષી
- પ્રકાશક : નવભારત સાહિત્ય મંદિર
- વર્ષ : 2016