રંગરસ માંડવામાં ઘોળાયરે, રંગરસ સાજનને છંટાયરે;

રંગરસ મોંઘે મૂલે વેચાયરે, રંગરસ રાજવળામાં વખણાયરે.

રંગરસ પાવ લાખે પાશેરરે, રંગરસ લાખ ટકાનો શેરરે;

રંગરસ રંગમહેલમાં બિરાજે રે, રંગરસ છેલછબીલીને છાજેરે;

રંગ૨સ દેવને દુર્લભ દીઠોરે, રંગરસ લાગે છે મનને મીઠો રે;

રંગરસ ભોગવે ભાગ્યશાળી ભોગીરે, રંગરસ પામે ન જોગી વિજોગીરે.

રંગરસ કન્યાની ચુડીએ ચળકેરે, રંગરસ વરની પાઘડીએ ઝળકેરે;

રંગરસ શોભે કન્યાને ચુડેરે, રંગરસ વરને છોગલે રૂડેરે.

રંગરસ ગુલાબવહુને ઘુંઘટેરે, રંગરસ ધનપાળભાઇને દુપટ્ટેરે;

જેવો રંગ રાખે ધનપાળભાઇરે, એવો રંગ રાખજો બેચર વેવાઇ છે.

રાખે રંગ કનકાવતી સુજાણરે, એવો રંગ રાખજો ફૂલાંદે વેવાણરે;

રાખે રંગ ગુલાબવહુ આજ જેવોરે, રાખજો રંગ જીવકોર વહુ તમે તેવો રે.

રંગરસ પામિયે પ્રભુને પ્રતાપેરે, રંગરસ ઇશ્વર રીઝીને આપેરે;

રંગરસ સસારમાં છે સારરે, રંગરસસૃષ્ટિતણો શણગારરે.

રંગરસની આજે ઉછળે છોળરે, રંગરસ છાંટે ને કરે છે કલ્લોલરે;

રંગરસ પ્રેમતણો પરિણામરે, દેખી દીલ રીઝે દલપતરામરે.