રેખ્તા
હિન્દવી
સૂફીનામા
રાજસ્થાની
અંધારું લ્યો!
andharun lyo!
રાજેન્દ્ર શુક્લ
રાજેન્દ્ર શુક્લ
ઊંટ ભરીને આવ્યું રે
અંધારું લ્યો,
આ પોઠ ભરીને આવ્યું રે
અંધારું લ્યો.....
ઊંટ ભરીને.
કોઇ લિયે આંજવા આંખ,
કોઈ લિયે માંજવા ઝાંખ;
અમે તે ઉંબરમાં ઉતરાવ્યું રે
અંધારું લ્યો,
ઊંટ ભરીને.
એના અડ્યા આભને છોડ;
એવાં અડ્યાં આભને કોડ-
અમે તો મુઠી ભરી મમળાવ્યું રે,
અંધારું લ્યો,
અમને ભોર થતાં લગ ભાવ્યું રે,
અંધારું લ્યો.....
ઊંટ ભરીને.
સ્રોત
- પુસ્તક : આપણી કવિતાસમૃદ્ધિ (ઉત્તરાર્ધ) (પૃષ્ઠ ક્રમાંક 296)
- સંપાદક : ચન્દ્રકાન્ત ટોપીવાળા
- પ્રકાશક : ગુજરાતી સાહિત્ય પરિષદ
- વર્ષ : 2004