રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
માલણ ગુંથી લાવ ગુણિયલ ગજરો; તારા ગજરાનો
માનીશું મજરો, માલણ ગુંથી લાવ ગુણિયલ ગજરો. ટેક
તારા ગજરાનું આપીશું મૂલ, માંહી ગુંથ જે ગુલાબનાં ફૂલ
જે તું હું કહીશ તે કરશું કબૂલ, માલણo
જેવી હોય તારી ચતુરાઈ, તેવી કરજે તેની સરસાઈ;
કાંઈ બાકી ન રાખીશ બાઈ, માલણo
એવી કરજે કારીગરી એમાં, જુગ્તિ હોય જોવા
જેવી મોહ પામે મુનિવર તેમાં, માલણo
વર લાડકડાનેરે કાજે એવો ગુંથજે ગજરો હું આજે જેવી જેમાં
છત્રપતિને છાજે, માલણo
ગજરો મૂલ પામે ગુલતાન, સારો સારો કહે સુલતાન;
થાય ગુણીજન જોઈ સુલતાન; માલણo
એમાં જુગ્તિ જોવા જોગ જાણી, ઝાજો અંગમાં ઉમંગ આણી
રીઝે રાજા અને વળી રાણી, માલણo
તને આપીશ હીરાનો હાર, વળી સોળ સારા શણગાર;
ઉપર હેમની મ્હોર હજાર, માલણo
કવિતાની કીમત ઉર આણે, એજ ગજરાનું મૂલ પ્રમાણે
દાખે દલપત બીજા શું જાણે? માલણo
સ્રોત
- પુસ્તક : દલપતરામનાં શ્રેષ્ઠ કાવ્યો (પૃષ્ઠ ક્રમાંક 102)
- સંપાદક : ચન્દ્રકાન્ત ટોપીવાળા
- પ્રકાશક : પાર્શ્વ પબ્લિકેશન
- વર્ષ : 2008