વાતમાં તારું નામ આવે તો?

આમ તો તારી વાત નથી પણ વાતમાં તારું નામ આવે તો?

વાત ચણોઠી જેવડી છે પણ જાણવા આખું ગામ આવે તો?

વાતમાં જાણે એમ કે મારી સીમના શેઢે સાવ અચાનક ડાભ ઉગ્યો’તો;

કોઈને ખબર હોય ક્યાંથી પણ ભરચોમાસે અણધાર્યો વંટોળ ઉઠ્યો’તો!

એ જ બીકે હું વાઢતી ન્હોતી, ડેલીએ પાછો ડામ આવે તો?

વાત પછી તો એવડી મોટી થઈ કે એમાં ગામ આખાનાં છોકરાં ન્હાયાં,

વાતની કરી લાપસી, કર્યો ગામધૂમાડો બંધ ને ગામેગામ ધરાયાં.

વાતને થાળે પાડવી છે જો કાળજે થોડી હામ આવે તો.

vaatmaa taarun naam aave to?