રેખ્તા
હિન્દવી
સૂફીનામા
રાજસ્થાની
નિમંત્રણ
nimantran
વાસુદેવ વિ. પાઠક 'વાગર્થ'
વાસુદેવ વિ. પાઠક 'વાગર્થ'
મારે ખેતર મોગરો ને તારે ખેતર થોર,
તારે ખેતર ચકલાં કલબલ, મારે ખેતર મોર.
પૂજા ને પકવાન ચરણમાં
ગંગાજળ પીવરાવું,
આંગણિયે મહેમાન પધારે
એ આનંદે ગાઉં
ભૂખ્ખડ દેશ તજીને કાં નવ
આવે આણી કોર? મારે ખેતર...
મંડપ આ મધુમાલતી
મઘમઘે રાતની રાણી,
સોનાવરણી સેજ હૃદયની
અંતર મીઠી વાણી.
આવ કા'ન હું વીંઝણું વીંઝું
સાળુડાની કોર' મારે ખેતર...
સ્રોત
- પુસ્તક : વેણુ ગીત (પૃષ્ઠ ક્રમાંક 2)
- સર્જક : વાસુદેવ વિ. પાઠક 'વાગર્થ'
- પ્રકાશક : પોતે
- વર્ષ : 1983