રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
દિવસ-રાત
diwas raat
ગિરીશ ભટ્ટ
ગિરીશ ભટ્ટ
ચૂલે આંધણ ઓર્યાં રે……...
એક આંખમાં આંસુ તગતગ
બીજીમાં વન મ્હોર્યાં રે!
ઉંબરમાં અટવાતા એના
દોથોદોથો સમણાં રે;
તુલસી-ક્યારે લખ ચોરાસી
ફેરાની પરક્રમણા રે.
રાંક અરીસે, કેશ પસાર્યા
ને જીવતર સંકોર્યાં રે.
ચૂલે આંધણ ઓર્યાં રે.
સમથળ-સમથળ ઢળતી સાંજે
ઢાંકાઢૂંબા કીધા રે;
સગની સાખે માઢ મેડીએ
નર્યા અચંબા પીધા રે.
મધરાતે પાંપણ મીંચી તો
મેઘધનુ કૈં મ્હોર્યાં રે -
ચૂલે આંધણ ઓર્યાં રે.
સ્રોત
- પુસ્તક : ગુજરાતી કવિતાચયન 2009 (પૃષ્ઠ ક્રમાંક 9)
- સંપાદક : રાજેશ પંડ્યા
- પ્રકાશક : ગુજરાતી સાહિત્ય પરિષદ
- વર્ષ : 2012