રેખ્તા
હિન્દવી
સૂફીનામા
રાજસ્થાની
ના માઉં
na maun
જગદીશ વ્યાસ
જગદીશ વ્યાસ
સાંકડો થઈ માઉં તો છું પણ આમ હું કદી આટલામાં ના માઉં
અસલી મારું રૂપ એવું કે ધરતીના આ માટલામાં ના માઉં
હાથ અને પગ સાવ નોધારા ભટક્યા કરે સાવ નોધારું શીશ
ધાવણું બાળક માય, મને તો સાંકડાં પડે ઊપણાં અને ઈસ
ચાર દિશાના ચાર પાયા હો એવડા નાના ખાટલામાં ના માઉં
નીતર્યાં નર્યાં નીરમાં મને ઝીલતું તારી આંખનું સરોવર
જોઉં તો લાગે વચમાં રાતું ખીલતું કમળ હોઉં હું બરોબર
આમ તો હું છું એવડો કે બ્રહ્માંડ આખાના ચાટલામાં ના માઉં
(રર-૦૪-'૯ર)
સ્રોત
- પુસ્તક : સૂરજનું સત (પૃષ્ઠ ક્રમાંક 80)
- સર્જક : જગદીશ વ્યાસ
- પ્રકાશક : કૃતિ પ્રકાશન
- વર્ષ : 2006