રેખ્તા
હિન્દવી
સૂફીનામા
રાજસ્થાની
ખારોપાટ અગરિયો
khaaropaat agriyo
રાહુલ તુરી
રાહુલ તુરી
ખારોપાટ અગરિયો.
કરી નેજવું જોઈ રહ્યો છે રણ, રેતીનો દરિયો.
ખારીઉસ ધરતીને માથે મીઠાનું
વાવેતર,
કર્કજના ઢગલા કરતો એ રોજ
ઉલેચી માફર.
અંગ ઉઘાડે અગર વચાળે ઉભો રહે તરવરિયો.
ખંપારાથી ખેંચ્યા કરતો જીવતરની
ખારાશ,
ઝારાઓ સિંચીને પગમાં પડી
ગયા છે ચાસ.
તોય ઉજવતો આઠ દિવસની ખર્ચીમાં અવસરિયો.
કરી નેજવું જોઇ રહ્યો છે રણ, રેતીનો દરિયો,
ખારોપાટ અગરિયો.
સ્રોત
- પુસ્તક : કવિ તરફથી મળેલી કૃતિ