રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
દરિયાની છાતી પર ઢોળાતું જાય એવું યાયાવર ગાન છીએ આપણે
dariyani chhati par Dholatun jay ewun yayawar gan chhiye aapne
ધ્રુવ ભટ્ટ
દરિયાની છાતી પર ઢોળાતું જાય એવું યાયાવર ગાન છીએ આપણે
dariyani chhati par Dholatun jay ewun yayawar gan chhiye aapne
ધ્રુવ ભટ્ટ
ધ્રુવ ભટ્ટ
દરિયાની છાતી પર ઢોળાતું જાય એવું યાયાવર ગાન છીએ આપણે
સમદરને પાર જેનાં સરનામાં હોય એનાં વણજાણ્યાં નામ છીએ આપણે
હોવું તો વાદળિયા શ્વાસ જેવી વાત જેની ધરતીને સાંપડી સુગંધ
આપણો તો કલબલનો એવડો પ્રવાસ જેની એકે દિશા ન હોય બંધ
સમદરની છોળ જેમ સમદરમાં હોય એમ આપણો મુકામ છીએ આપણે
...યાયાવર ગાન છીએ આપણે
પાંખમાં ભરીને ચલો આખું આકાશ કોઈ તગતગતા સરોવરમાં ઢોળીએ
ભાંગતા કિનારાનું ભાંગે એકાંત એવી કલબલતી કોઈ વાત બોલીએ
માળાનો હોય નહીં આપણને સાદ સાવ ટૂંકાં રોકાણ છીએ આપણે
...યાયાવર ગાન છીએ આપણે
સ્રોત
- પુસ્તક : ધ્રુવગીત (પૃષ્ઠ ક્રમાંક 15)
- સર્જક : ધ્રુવ ભટ્ટ
- પ્રકાશક : ગૂર્જર ગ્રંથરત્ન કાર્યાલય
- વર્ષ : 2021