રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

દરિયાજી

ચંદ્રકાન્ત દત્તાણી

ચંદ્રકાન્ત દત્તાણી

દરિયાજી

ચંદ્રકાન્ત દત્તાણી

Roman

ફળ્યાં કોઈને ગંગાજી તો ફળ્યાં કોઈને જમુનાજી

અમને ફળ્યા લોહીસોંસરા ઘેઘૂર ઘટઘટ દરિયાજી

આંખોમાં છે આંસુ ખળખળ આંસુમાં આંખો છે જળજળ

રોમરોમ રોમાંચ છે રુમઝુમ ધકધક ધબકે પળ પળ પળ

અમે અમારા અફાટ સમદર ક્ષણમાં પાર ઉતરિયાજી

અમને ફળ્યા લોહીસોંસરા ઘેઘૂર ઘટઘટ દરિયાજી

ફીણ ને મોજાં શંખછીપ ને ભરતી ભરતી વમળ વમળ

વૈભવ ઝાકમઝોળ એમ કે કાદવમાં પણ કમળ કમળ

દરિયે દરિયે લહર અમે ને અમે લહરમાં દરિયાજી

અમે જ નિજમાં એમ લીન કે રાધા ને સાંવરિયાજી

ફળ્યાં કોઈને ગંગાજી તો ફળ્યા કોઈને જમુનાજી

અમને ફળ્યા લોહીસોંસરા ઘેઘૂર ઘટઘટ દરિયાજી

સ્રોત

પુસ્તક : ઉત્તરાયણ (પૃષ્ઠ ક્રમાંક 83)
સંપાદક : દીપક મહેતા
પ્રકાશક : નેશનલ બુક ટ્રસ્ટ, ઇન્ડિયા
વર્ષ : 2008