બોલો, બબાસાહેબની જય

બોલો, બબાસાહેબની જય

લ્યો, જુઓ, આ નીકળ્યો

એક વધુ વરઘોડો

બોલો, બબાસાહેબની જય!

વિસ્તરતા વામનજી ચાલે

લઘરાતા ને લપસણા ઠિંગુજી ચાલે

ટીખળીઓ ને ઠોળીયાઓની ઠઠ કૈં જામે

‘અવતાર’ માથે મેલીને આનંદી–ચાલે

બોલો, બબાસાહેબની જય!

નરપુંગવની ન્યાતના નેતાજી હાલે

લોકલાગણીના મોજાં પર બુઠ્ઠા ખોખા છુટ્ટા ચાલે

નવી રામધૂન નવી નમાજનાં

બોદાને બણબણતા કૈં પોચા પૂજારી ચાલે

બોલો, બબાસાહેબની જય!

આજે દર્દ દલિતોનાં રંગીન કેવાં!

ને મતપેટીનાં સીલ સૌ સંગીન કેવાં!

રંડીબાજ રખડુઓની હરકતથી

ટોળાશાહીના ટિચકારા મુમકિન કેવા

બોલો, બબાસાહેબની જય!

મારા ખોટીલા કંથ તમે રહેજો સદા થનગનતા

લાજ જો લૂંટાય તો લાવજો ચીંથરા રે સંસદના

બોલો, બબાસાહેબની જય!

પોથીપાને મ્હોર્યાં ઉમદા બબાસાહેબનાં રીંગણાં

સરઘસ, રેલી, સમારંભોમાં જામી પડ્યા છે ઠીંગણાં

બોલો, બબાસાહેબની જય!

bolo, babasahebni jay