રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

છેલાજી રે

અવિનાશ વ્યાસ

છેલાજી રે

અવિનાશ વ્યાસ

Roman

છેલાજી રે,

મારે હાટુ પાટણથી પટોળાં મોંઘાં લાવજો;

એમાં રૂડા રે મોરલિયા ચિતરાવજો

પાટણથી પટોળાં મોંઘાં લાવજો — છેલાજી.

રંગ રતુંબલ કોર કસુંબલ,

પાલવ પ્રાણ બિછાવજો રે

પાટણથી પટોળાં મોંઘાં લાવજો — છેલાજી.

ઓલ્યા પાટણ શે’રની રે, મારે થાવું પદમણી નાર,

ઓઢી અંગ પટોળું રે, એની રેલાવું રંગધાર;

હીરે મઢેલા ચૂડલાની જોડ મોંઘી મઢાવજો રે,

પાટણથી પટોળાં મોંઘા લાવજો — છેલાજી.

ઓલી રંગ નીતરતી રે, મને પામરી ગમતી રે,

એને પહેરતાં પગમાં રે, પાયલ છમછમતી રે

નથણી લવિંગિયાં ને ઝૂમખાંમાં મોંઘાં મોતી મઢાવજો રે,

પાટણથી પટોળાં મોંઘાં લાવજો — છેલાજી.

સ્રોત

પુસ્તક : પાંદડું લીલું ને રંગ રાતો (પૃષ્ઠ ક્રમાંક 47)
સર્જક : અવિનાશ વ્યાસ
સંપાદક : સુરેશ દલાલ
પ્રકાશક : ઈમેજ પબ્લિકેશન્સ પ્રા. લિ.
વર્ષ : 1999