રેખ્તા
હિન્દવી
સૂફીનામા
રાજસ્થાની
છેલ-છબીલે
chhel-chhabile
પ્રિયકાન્ત મણિયાર
પ્રિયકાન્ત મણિયાર
છેલ-છબીલે છાંટી મુજને છેલ-છબીલે છાંટી,
જમુના-જલમાં રંગ ગુલાબી વાટી...
છેલ-છબીલે છાંટી!
અણજાણ અકેલી વહી રહી હું મૂકી મારગ ધોરી,
કહીં થકી તે એક જડી ગઈ હું જ રહેલી કોરી;
પાલવ સાથે ભાત પડી ગઈ ઘટને માથે ઘાટી!
છેલ-છબીલે છાંટી!
શ્રાવણનાં સોનેરી વાદળ વરસ્યાં ફાગણ માસે,
આજ નીસરી બ્હાર બાવરી એ જ ભૂલ થૈ ભાસે;
સળવળ સળવળ થાય ઉરે જ્યમ પ્હેલી પ્હેરી હો કાંટી!
છેલ-છબીલે છાંટી!
તરબોળ ભીંજાણી થથરી રહી હું કેમ કરીને છટકું,
માધવને ત્યાં મનવી લેવા કરીને લોચન-લટકું;
જવા કરું ત્યાં એની નજરની અંતર પડતી આંટી!
છેલ-છબીલે છાંટી!
સ્રોત
- પુસ્તક : પ્રિયકાન્ત મણિયારનાં કાવ્યો (પૃષ્ઠ ક્રમાંક 39)
- સંપાદક : ચંદ્રકાન્ત શેઠ
- પ્રકાશક : આદર્શ પ્રકાશન
- વર્ષ : 2018
- આવૃત્તિ : પાંચમું પુનર્મુદ્રણ