રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
બુદ્ધિનું ચાંચલ્ય
buddhinu chanchalyaa
મણિલાલ નભુભાઈ દ્વિવેદી
મણિલાલ નભુભાઈ દ્વિવેદી
ભૈરવી ધનાશ્રી, કાફી
ઠૂમરી
શા રસ પર ગુલતાન, દીવાની, શા રસ પર૦
સાર અસાર ન ભાન-દી૦ – શા રસ૦
પ્રકટ અનલ કરી સેવી ન જાણે,
બાળે કે બળે પ્રાણ-દી૦ – શા રસ૦
એક રસે ગૃહી એકબીજા પર,
દુઃખી થવા ધર ધ્યાન-દી૦ – શા રસ૦
એક મુખે ચિતમાં વસ્તું બીજં,
નજરે તૃતીય વખાણ-દી૦ – શા રસ૦
આ રસ તે રસ ઉભય ન ભાવે,
મરણ, હાંસી, વળી હાણ-દી૦ – શા રસ૦
એક પરમરસ—એ જ પરમસુખ,
અચલ ન દ્વૈત પ્રમાણ-દી૦ – શા રસ૦
વિકટ વિવેક વિદાર જડે રસ
શસ્ત્ર સબલ મન માન-દી૦ – શા રસ૦
શ્રદ્ધા સબલ અકલ ફલ આપે,
પ્રેમલયે લયધ્યાન-દી૦ – શા રસ૦
રસ પરમાસ્પદ રસ સુખ સાધન,
રસમણિ એક જ જાણ-દી૦ – શા રસ૦
સ્રોત
- પુસ્તક : મણિલાલ દ્વિવેદી સંચય (પૃષ્ઠ ક્રમાંક 174)
- સંપાદક : ધીરુભાઈ ઠાકર
- પ્રકાશક : ગુજરાત સાહિત્ય અકાદમી
- વર્ષ : 2002