બોલોને

બોલોને

બોલોને, શું કરશો હરિ

મારા વિના એકલા, જ્યારે જઈશ હું મરી?

હું તમારો ઘટ બનું જો ચૂરેચૂરા,

હું તમારા પ્રાણની ઊડી જાઉં સુરા,

હું તમારે કસબી હાથ વણાતો જામો,

જાઉં સરી તો હાથ તમારો થાય નકામો,

મારા વિના હાય, થશો ઘરબાર વિહોણા,

નેહથી તમને નોતરી કરશે કોણ પરોણા?

હું તમારી ચાખડી, મારા વિણ ઉઘાડાં

થાક્યાંપાક્યાં ચરણ ઘૂમશે ટેકરા-ખાડા,

સરી પડશે અંગથી તમ વિરાટનો વાઘો

આપણો સંગ જ્યાં ઓગળી જશે આઘો આઘો.

તમને પાછી મળશે ક્યાં એ હૂંફ ઓ હરિ?

નજરું નમશે ક્યાંય તમારી વસમી પળે

હિમશિલાની ગોદમાં જેવી સંધ્યા ઢળે,

જીવ આ મારો કાંઈ મૂંઝાતો ફરી ફરી,

શું કરશો, હરિ?

(અનુ. મકરન્દ દવે)

રસપ્રદ તથ્યો

Rilkeના કાવ્ય 'What will you do, God, when I die?'નો અનુવાદ

Bolone