રેખ્તા
હિન્દવી
સૂફીનામા
રાજસ્થાની
આવશે
awshe
પ્રહ્લાદ પારેખ
પ્રહ્લાદ પારેખ
ઊંચે ઊંચે તારકના પલકાર,
નીચે મારા હૈયાના થડકાર,
તેની વચ્ચે મૂંગો મૂંગો વહે છે અંધકાર.
ધીમા ધીમા વાજો આજ સમીર,
સાગર વીરા! લેજે આઘાં નીર,
મારો રે આવે છે વા’લમ હૈયા કેરો હીર.
નીંદર બે’ની, ઘેરીશ ના એ નેન
નહિ દેશો, ફૂલો, સુરભિ-ઘેન,
મારા રે વાલમને આવવા દેજો રે'તાં રેન.
મારા હૈયે કરિયા લાંબા હાથ,
આવીને એ પૂરી કરશે બાથ;
તેની વચ્ચે મૂગો મૂગો વ્હેશે પ્રેમ અતાગ.
સ્રોત
- પુસ્તક : બારી બહાર (પૃષ્ઠ ક્રમાંક 105)
- સર્જક : પ્રહલાદ પારેખ
- પ્રકાશક : વોરા ઍન્ડ કંપની
- વર્ષ : 1969