રેખ્તા
હિન્દવી
સૂફીનામા
રાજસ્થાની
અષ્ટનાયિકા : વાસકસજ્જા
Ashtanayika : Vasaksajja
વિનોદ જોશી
વિનોદ જોશી
પ્રિયતમ, સેજ સજાવું...
સંગ સલૂણો ધરી ચિત્તમાં સહજ સ્પંદ સહેલાવું...
રંગભવન રતિરાગ રસીલું,
અંગ ઉમંગ સુગંધિત ઝીલું;
કમળપત્રથી કોમળ મંજુલ હૃદયકુંજ છલકાવું...
પ્રિયતમ, સેજ સજાવું...
મન વિહ્વળ, તન તૃષિત સુહાગી,
પુષ્પિત નિબિડ નિશા વરણાગી;
તંગ અંગથી સરી જતો ઉન્માદ અનંત બિછાવું...
પ્રિયતમ, સેજ સજાવું...
સ્રોત
- પુસ્તક : રેશમી ટહુકાની રજાઈ (પૃષ્ઠ ક્રમાંક 94)
- સંપાદક : ઉત્પલ પટેલ
- પ્રકાશક : ડિવાઈન પબ્લિકેશન, અમદાવાદ
- વર્ષ : 2023