રેખ્તા
હિન્દવી
સૂફીનામા
રાજસ્થાની
શહિદના સંદેશ
shahidna sandesh
શાંતિકુમાર પંડ્યા
શાંતિકુમાર પંડ્યા
[ઢાળ—આભમાં આવડા આશા દિવા...]
ઝરૂખે ઝુકે અષાઢીલો મેહ;
અટારીયે વીજલડી રે લોલ.
કે'તી કંઈ શહિદના સંદેશ;
ઊંચે જાતી વાદલડી રે લોલ.
સખી કો દૂર દૂરના ડુંગરડે;
વિતી મધ રાતલડી રે લોલ.
ત્યાં તારા નાથની પોઢણ શૈયા;
પત્થર કણ શીલા પડી રે લોલ.
પુકારે જોગણ કો આતમ ત્હારો;
અંબાર તેજ શીલા ભરી રે લોલ.
ગ્યાતા વીરની વટ સાચવવા;
ડુંગરડે સેજો કીધી રે લોલ.
માની કૂખલડી દીપાવી કે;
માડી કાજે માથાં દીધાં રે લોલ.
વિજોગણ આવજે ડુંગર ધારે;
કુસુમની માળા ગૂંથી રે લોલ.
ઢોળમા આંસુડા ચોધારે;
વ્હાલપની વ્યથા કથીરે લોલ.
સ્રોત
- પુસ્તક : રાસરમણા (પૃષ્ઠ ક્રમાંક 117)
- સર્જક : શાન્તિકુમાર પંડ્યા
- પ્રકાશક : નવયુગ પુસ્તક ભંડાર
- વર્ષ : 1930