રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
અરધે સૂરજ છટક્યા
ardhe suraj chhatakya
પ્રતાપસિંહ રાઠોડ 'સારસ્વત'
પ્રતાપસિંહ રાઠોડ 'સારસ્વત'
અરધા સૂરજ ઝાલ્યા, સૈયર! પરધા રહી ગ્યા બ્હાર;
અરધાં આંગણ લીંપ્યાં, સૈયર પરધે ખૂટી ગાર.
અરધાં વાદળ ફૂટ્યાં, સૈયર! પરધા ટૌક્યા મોર;
મોભારે હેલી હલકી પણ કોરી નેવાં કોર!
હાથેથી ખીલડો છટક્યો પણ ભોજન ટાઢાં–બોળ;
કોઈ કોરથી ધૂળ ઊડે ના-શેરી ઝાકમઝોળ!
કાલ હતા જ્યાં કલરવકાંઠા આજે સિંદૂર થાપા;
કાલ કેવડા સાંકળ મહેક્યા આજે ઝંપ્યા ઝાંપા!
કાલ ચમકતા ધૂળમાં ચાંદા તારા થઈને બેઠા;
કાલ ઢોલિયે પારસ પરગટ-બાવળ થઈ ને બેઠા!
કાલે મહુડી ટપટપ સૈયર! આજે બેઠા ડોળ;
અરધે સૂરજ છટક્યા સૈયર! મનખો કાગારોળ!
સ્રોત
- પુસ્તક : મથામણ (પૃષ્ઠ ક્રમાંક 8)
- સર્જક : પ્રતાપસિંહ રાઠોડ ‘સારસ્વત’
- પ્રકાશક : પોતે
- વર્ષ : 1984