રેખ્તા
હિન્દવી
સૂફીનામા
રાજસ્થાની
અંધકાર
andhkar
યોસેફ મેકવાન
યોસેફ મેકવાન
ઝીણો રે ઝગે છે અંધકાર...
ક્યાંક ફૂટી છે તેજલ કળી
એનો આ અણસાર!
ઝીણો રે ઝગે છે અંધકાર!
ઝરતી રે ઝરતી આછી મ્હેક હો
એમાં ભીંજાતું રે અંગ,
કોણ રે નર્તતું વાયુવ્હેણમાં
બજવી ધીરું મૃદંગ.
તૂટી રે જાય સહુયે દીવાર,
ઝીણો રે ઝગે છે અંધકાર!
હળવે રે હળવે પડદા ઊપડે
આંખ્યુંમાં ઊઘડે આકાશ,
ઊછળે રે ઊછળે સાગર શ્વાસના
મનને કોઈ ન આડાશ.
હું જ છું ભીતર ને છું બ્હાર.
ઝીણો રે ઝગે છે અંધકાર!
સ્રોત
- પુસ્તક : વીસમી સદીની ગુજરાતી કાવ્યમુદ્રા (પૃષ્ઠ ક્રમાંક 502)
- સંપાદક : ચન્દ્રકાન્ત શેઠ, યોગેશ જોષી, હર્ષ બ્રહ્મભટ્ટ, ઊર્મિલા ઠાકર
- પ્રકાશક : ગૂર્જર ગ્રંથરત્ન કાર્યાલય
- વર્ષ : 2007