ભેદ સારાસારનો બસ કો'કને પરખાય છે
bhed saaraasaarno bas ko'kne parkhaay chhe


ભેદ સારાસારનો બસ કો'કને પરખાય છે,
માખી વધતી જાય છે, મધમાખી ઘટતી જાય છે.
તૂટે અત્તરની શીશી પણ મહેક ના તૂટે કદી,
કોઈ જ્યારે તૂટે છે ત્યારે વધુ સંધાય છે.
હું છું એ મહેફિલ, વધાવે દાદ આપીને તરત,
મંચથી કોઈ વિરોધી સૂર જો રેલાય છે.
બોસ આ ઘટનાને લેશે કઈ રીતે? કોને ખબર?
કામ બાજુ પર મૂકીને પુસ્તકો વંચાય છે.
કાયમ એ કહેતા, 'મૂંઝાતો નહીં કદી, બેઠો છું હું.'
એની પાસે જઈને બેસું તો ઊભા થઈ જાય છે.
મંદિરે પણ એવા લહેકામાં એ બોલે પ્રાર્થના,
જેને લાગે છે બધી જગ્યાએ વહીવટ થાય છે.
ગોદડું, સ્વેટર, હરિનું નામ કે આઘાત દે,
ઓઢવા જલ્દી કંઈક આપી દે, ઠંડી વાય છે.
bhed sarasarno bas kokane parkhay chhe,
makhi wadhti jay chhe, madhmakhi ghatti jay chhe
tute attarni shishi pan mahek na tute kadi,
koi jyare tute chhe tyare wadhu sandhay chhe
hun chhun e mahephil, wadhawe dad apine tarat,
manchthi koi wirodhi soor jo relay chhe
bos aa ghatnane leshe kai rite? kone khabar?
kaam baju par mukine pustako wanchay chhe
kayam e kaheta, munjhato nahin kadi, betho chhun hun
eni pase jaine besun to ubha thai jay chhe
mandire pan ewa lahekaman e bole pararthna,
jene lage chhe badhi jagyaye wahiwat thay chhe
godaDun, swetar, harinun nam ke aghat de,
oDhwa jaldi kanik aapi de, thanDi way chhe
bhed sarasarno bas kokane parkhay chhe,
makhi wadhti jay chhe, madhmakhi ghatti jay chhe
tute attarni shishi pan mahek na tute kadi,
koi jyare tute chhe tyare wadhu sandhay chhe
hun chhun e mahephil, wadhawe dad apine tarat,
manchthi koi wirodhi soor jo relay chhe
bos aa ghatnane leshe kai rite? kone khabar?
kaam baju par mukine pustako wanchay chhe
kayam e kaheta, munjhato nahin kadi, betho chhun hun
eni pase jaine besun to ubha thai jay chhe
mandire pan ewa lahekaman e bole pararthna,
jene lage chhe badhi jagyaye wahiwat thay chhe
godaDun, swetar, harinun nam ke aghat de,
oDhwa jaldi kanik aapi de, thanDi way chhe



સ્રોત
- પુસ્તક : નવનીત સમર્પણ : નવેમ્બર ૨૦૨૪ (પૃષ્ઠ ક્રમાંક 94)
- સંપાદક : દીપક દોશી
- પ્રકાશક : ભારતીય વિદ્યા ભવન