ગુજરાતી ભાષાના ગણમાન્ય સાહિત્યકાર ગુણવંતરાય આચાર્ય લિખિત નવલકથા 'હાજી કાસમ તારી વીજળી' પર આધારિત ગુજરાતી સંગીત-નાટક 'વીજળી' રામ મોરીએ લખ્યું. એ નાટકમાં પહેલી વખત લેખકે દસેક જેટલા ગીતો લખ્યા. ઉપરોક્ત ગીત નાયિકા અમીના ગાઈ રહી છે. પોતાનો પ્રિયતમ હાજી વીસ વર્ષનો થયા પછી પણ દરિયો ખેડવા નથી ગયો એ વાતે ખારવણ અમીનાને સૌથી મોટું અપમાન લાગે છે. ગામ અને લોકના મેણા અમીનાથી નથી સંભળાતા, તો અંતે એ દરિયાદેવ પાસે વિજોગણ થવાના આશીર્વાદ માંગે છે અને પોતાનો હાજી દરિયો સર કરે એ અમીનાનું સપનું છે.