રેખ્તા
હિન્દવી
સૂફીનામા
રાજસ્થાની
અબોલા
abolaa
પ્રહ્લાદ પારેખ
પ્રહ્લાદ પારેખ
તું બોલે તો બોલું એવી મનમાં વાળી ગાંઠ,
બંધ હોઠ કર્યા મેં જ્યારે, — આંખે માંડી વાત!
આંખોનેયે વારું ત્યારે, — જોવું ના તુજ દિશ,
એમ કર્યું તો, — સ્મરણો તારાં મનમાં કરતાં ભીંસ.
તેને વારું, ને તુજ દિશનું ખાળું અંતરવ્હેણ,
— નીર ફર્યાં એ પાછાં તેથી ઊભરાતાં તુજ નેન.
અંતર મારે ભય જાગે : શું બંધો જાશે તૂટી?
શબ્દો, આંખો, અંતર, દેશે નિજનું તુજને, લૂંટી?
— સઘળું નિજનું તુજને, લૂંટી?
સ્રોત
- પુસ્તક : કાવ્યવિશેષ : પ્રહ્લાદ પારેખ (પૃષ્ઠ ક્રમાંક 32)
- સંપાદક : સુરેશ દલાલ
- પ્રકાશક : ઇમેજ પબ્લિકેશન્સ
- વર્ષ : 1998
- આવૃત્તિ : પુનર્મુદ્રણ