જડ્યું નહિ કંઈ –

જડ્યું નહિ કંઈ –

જાણ્યુ એવું જડ્યું નહિ કંઈ

બહુ ઝંઝેડ્યા ઝાડ પરંતુ પડ્યું નહિ કંઈ

વનમાં ઝાઝા વાંસ વાયરા શિષ ધુણાવી વાતા;

લળકઢળક સૌ ડાળ ઘાસને ચડે હિલોળા રાતા

બધું બરાબર કિન્તુ સ્વરમાં ચડ્યું નહિ કંઈ

બહુ ઝંઝેડ્યા ઝાડ પરંતુ પડ્યું નહિ કંઈ

શુષ્ક સરોવર, સાંજ નહિ કોઈ ગલ-હંસો રઢિયાળા

રડવાનું એક સુખ લેવા ત્યાં, પહોંચ્ય સંજુ વાળા

આંખ, હૃદયને કર જોડ્યા પણ રડ્યું નહિ કંઈ

બહુ ઝંઝેડ્યા ઝાડ પરંતુ પડ્યું નહિ કંઈ

જાણ્યુ એવું જડ્યું નહિ કંઈ

બહુ ઝંઝેડ્યા ઝાડ પરંતુ પડ્યું નહિ કંઈ

jaDyun nahi kani –