આથમતા ધબકારાને શણગારો રે

આથમતા ધબકારાને શણગારો રે

વીજળી જેવું શ્વાસોમાં કૈં થાતું રે

અંગ અંગમાં ગંગાજળ છલકાતું રે

અજવાળાનો રંગ કાં થાતો કાળો રે

હળવેથી મુજ લાગણીઓ પેટાવો રે

પાંપણ પાસે કલરવતું અજવાળું રે

મૂંગા થાતા ટહુકાઓ પંપાળું રે

બે હોઠ વચ્ચે લીલો સૂરજ વાવો રે

ધબકારા પર અજવાળાં ત્રોફાવો રે

તુલસીક્યારે ગીત અધૂરાં સીંચો રે

તૂટ્યા લયને પીપળે જઈને વીંટો રે

આથમતા ધબકારાને શણગારો રે

Aathamata Dhabkara ne Shangaro Re