રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

આપણે તો એટલામાં રાજી

રમણીક સોમેશ્વર

આપણે તો એટલામાં રાજી

રમણીક સોમેશ્વર

Roman

આપણે તો એટલામાં રાજી

આખાયે જંગલમાં રોજ રોજ ફૂટે છે

ક્યાંક એક કૂંપળ તો તાજી

આપણે તો એટલામાં રાજી

એકાદું પંખી જો ડાળ ઉપર બેસે તો થાય,

મળ્યું આખું આકાશ

એકાદું ગીત કોઈ મોસમનું ગાય

તોય રોમરોમ ફૂટે પલાશ

એકાદી લહેરખી પવનની જ્યાં સ્પર્શે

ત્યાં રણઝણતી ઝાલરી બાજી

આપણે તો એટલામાં રાજી....

પાણીની એકાદી છાલકમાં હોય કદી

રીમઝીમ રેલાતો મલ્હાર

છાતીમાં નાંગરેલ સપનામાં હોય કોઈ

એકાદી ક્ષણનો વિસ્તાર

એક એક કૂંપળમાં જંગલ ઊભરાય?

કોઈ પૂછે, તો કહીએ કે હાજી

આપણે તો એટલામાં રાજી

સ્રોત

પુસ્તક : સિગ્નેચર પોયમ્સ (પૃષ્ઠ ક્રમાંક 98)
સંપાદક : મણિલાલ હ. પટેલ, ગિરિશ ચૌધરી
પ્રકાશક : એકત્ર ફાઉન્ડેશન (ડિજિટલ પ્રકાશન)
વર્ષ : 2021